василиса володина гороскоп на день гороскоп павла глобы на 2017 год по знакам по гороскопу какой камень у рака посетить страницу любовный гороскоп на год телец женщина
 

ჩვენს შესახებ

ჩვენს შესახებ

მსოფლიოში ენდოსკოპიის განვითარება იწყება მე-19 საუკუნის 80იანი წლებიდან, როდესაც გერმანელმა ექიმმა და მეცნიერმა მიკულიჩმა ჩაატარა გასტროსკოპია მეტალის გასტროსკოპით.

ამის შემდეგ ენდოსკოპიის განვითარება დაკავშირებული იყო სამედიცინო ტექნოლოგიების განვითარებასთან. მე-20 საუკუნის 30იან წლებში ევროპაში შეიქმნა ვოლფისა და შინდერის ნახევრადდრეკადი ფიბრიენდოსკოპი, რაც დიდი პროგრესი იყო ამ დარგის განვითარებაში.

საქართველოში მე-20 საუკუნის 50იანი წლებიდან იწყება ენდოსკოპიის ეპოქა. უკვე 60-იან წლების ბოლოს პროფესორ ე. ფიფიას და ვ. დავითაიას მიერმ გამოშვებული იქნა მონოგრაფია <გასტროსკოპია>, რომელიც ეყრდნობოდა ვოლფისა და შინდლერის გასტროსკოპებით ჩატარებულ კვლევებს.

მე-20 საუკუნის 60-იანი წლების ბოლოს ამერიკის შეერთებულ შტატებში ჰირშოვიჩის მიერ შეიქმნა პირველი ფიბროენდოსკოპი, რამაც მტელ მსოფლიოში საფუძველი ჩაუყარა ფიბროენდოსკოოპიის განვითარებას. საქართველოში ფიბროენდოსკოპიის განვითარებას საფუძველი ჩაეყარა 70იან წლებში. ამ საქმის პიონერები იყვნენ პროფესორი ბ.რაჭველიშვილი და ვ. გვანცელაძე. დარგის შემდგომი განვითარება განხორციელდა დღევანდელი უფროსი თაობის ენდოსკოპისტების მიერ. ბრონქოსკოპიის დანრეგვაში დიდი როლი ითამაშეს პროფესორმა ნ. ანთელავა და პროფესორმა ი. ცანავამ. 80-იან წლებში ჩამოყალიბდა პირველი ენდოსკოპიური კაბინეტები ქ.თბილისში. ქითაისში, ბათუმში, სოხუმში, გორში, ბორჯომსა და რუსთავში.

1983წ საქართველოს ჯანმრთელობის დაცვის სამინისტროში შეიქმნა მთავარი სპეციალისტის თანამდებობა ენდოსკოპიაში. 80-იანი წლების ბოლოს ქ. თბილისის ექიმთა დახელოვნების ინსტიტუტში დაინერგა ენდოსკოპიის კურსი. ამავე პერიოდში საფუძველი ჩაეყარა გადაუდებელ ენდოსკოპიას და ენდოსკოპიურ მკურნალობას.

1996 ჩამოყალიბდა საქართველოს ენდოსკოპისტთა ასოციაცია, რომელმაც მიუხედავად დიდი მონდომებისა ქვეყანაში შექმნილი მდგომარეობის გამო დიდი როლი ვერ ითამაშა ამ დარგის განვითარებაში.

21-ე საუკუნის დასაწყისში დაიწყო ენდოსკოპიის კურსის სწავლება მიხეილ ჯავახიშვილის რადიოლოგიის კათედრაზე.

2012წ. განახლდა საქართველოს ენდოსკოპისტთა ასოციაცია და ამავე წლის მაისში ჩატარდა დამფუძნებელი საერთაშორისო კომფერენცია, რომელშიც მონაწილეობა მიიღო 100-მდე დელეგატმა. ასოციაციის პრეზიდენტათ არჩეული იქნა პროფესორი მ. გურგენიძე.

ასოციაცია ხელს უწყობს საქართველოში ენდოსკოპიის განვითარებას და სწავლებას, პრაქტიკული ჩვევების დანერგვას. იცავს ექიმ-ენდოსკოპისტთა ინტერესებს.

 

მედიცინის დოქტორი

საქართველოს ენდოსკოპისტთა ასოციაციის

აღმასრულებელი დირექტორი

თ. იოსელიანი