ქართულმა მედიცინამ უდიდესი დანაკლისი განიცადა. ბატონ ფრიდონს საზოგადოება იცნობს, არა მხოლოდ როგორც სამედიცინო სფეროში წარმატებულ პროფესიონალს, არამედ როგორც საზოგადო მოღვაწეს. იგი ევროპის, ამერიკისა და რიგი საერთაშორისო ქირურგიული და რადიოლოგიური ასოციაციების წევრი იყო.მიღებული აქვს არაერთი ტიტულოვანი ჯილდო, მათ შორის ღირსების ორდენი, საქართველოს სახელმწიფო პრემია. 1998 წელს დასახელდა თბილისის საპატიო მოქალაქედ. ბატონი ფრიდონი 500-ზე მეტი სამეცნიერო და სადოქტორო ნაშრომის და 15 გამოგონების ავტორია.
საქართველოს ენდოსკოპისტთა ასოციაცია ღრმა მწუხარებას გამოთქვამს და თანაგრძნობას უცხადებს გარდაცვლილის ოჯახს.
